Төлеген Ахметұлы Бөлеков, жемшөп дақылдарын өсіру жөніндегі технолог, доцент, ауыл шаруашылығы ғылымдарының кандидаты сояның егілу тереңдігін тексеруде

Әлемдік тәжірибеге сүйенсек, ауылшаруашылық дақылдарының өнімділігін күрт арттырудың түбегейлі тәсілдерінің бірі – жергілікті топырақ-климаттық жағдайларға бейімделген, жоғары өнімді сұрыптарды өндіріске енгізу болып табылады. Қалыптасқан экономикалық жағдайларда, бұрын бұл аймақта мүлдем өсірілмеген немесе шектеулі мөлшерде өсірілген дақылдардың егістік алқаптары кеңеюде. Батыс Қазақстан үшін соя дәл осындай дақыл болып отыр. Қазақстанда соя егетін негізгі аймақтар – республиканың оңтүстігі мен оңтүстік-шығысы. Алайда, соңғы онжылдықта бұл дақылдың таралу аймағы оның солтүстікке қарай жылжуы есебінен едәуір кеңейді. Гектарынан алынатын 10–12 центнер өнім жаңа аймақтар үшін толықтай қолайлы болып табылады.