Оралда суармалы жерде соя өсіру жобасын коммерцияландыруға арналған семинар өтті

2026 жылғы 30 қыркүйекте Орал қаласында DP23692207 «Батыс Қазақстан облысының құрғақ дала аймағында суармалы жерде жоғары ақуызды мал азықтық дақылдарды өсіру» жобасының нәтижелерін коммерцияландыру және нарыққа шығару мәселелеріне арналған ғылыми-практикалық семинар өтті.

Іс-шараны жоба командасы, Жәңгір хан атындағы БҚАТУ Технологияларды коммерцияландыру кеңсесі және жобаның бизнес-серіктесі «Ақназар-Жайық» ЖШС ұйымдастырды.

Семинарға ғалымдар, бизнес өкілдері, ауыл шаруашылығы тауарын өндірушілер және әлеуетті сатып алушылар қатысты. Қатысушылар суармалы жерде соя өсіру технологиясын, жобаның нәтижелерін және оларды тәжірибеде қолдану мүмкіндіктерін талқылады. Сондай-ақ әзірлемелерді коммерцияландыру, нарықты талдау, бизнес-модель қалыптастыру, маркетинг және өнімді ілгерілету мәселелеріне назар аударылды.

Семинардың практикалық бөлімінде қатысушылар соя алқабына барып, дақылды өндірістік жағдайда өсіру барысымен танысты. Ғылым мен бизнес өкілдері өзара пікір алмасып, ынтымақтастық пен жоба өнімін нарыққа шығару перспективаларын талқылады.

Семинар Батыс Қазақстан облысында жоба нәтижелерін өндіріске енгізу және коммерциялық тұрғыдан дамыту мүмкіндіктерін талқылауға арналған тәжірибе алмасу алаңына айналды.